«Barselona» yarim himoyachisi Pedri tez orada jarohatidan forig‘ bo‘lib, safga qaytishi mumkin.
23 yoshli futbolchi mushaklaridagi muammolar sababli 21 yanvardan beri maydonga tushmayapti. «Ko‘k-anorranglilar» yulduz xavbekning sog‘lig‘ini xavf ostiga qo‘yishni istashmayapti, shu sababli uning qaytishini tezlashtirishmayapti. Jurnalist Roxer Torelyo bergan ma’lumotga ko‘ra, o‘yinchi yaqin oradagi «Malyorka» (07.02), Madridning «Atletiko» (12.02) va «Jirona» (16.02) klublariga qarshi uchta uchrashuvni o‘tkazib yuborishi deyarli aniq. Biroq uning 22 fevralga belgilangan «Levante» bilan o‘yinda tarkibga qaytish ehtimoli juda yuqori.
Pedri Xans-Diter Flik jamoasi safida joriy mavsumdagi 25 ta bahsda ishtirok etib, ikkita gol urdi va sakkizta golli uzatmani amalga oshirdi.
