«Барселона» ярим ҳимоячиси Педри тез орада жароҳатидан фориғ бўлиб, сафга қайтиши мумкин.

23 ёшли футболчи мушакларидаги муаммолар сабабли 21 январдан бери майдонга тушмаяпти. «Кўк-анорранглилар» юлдуз хавбекнинг соғлиғини хавф остига қўйишни исташмаяпти, шу сабабли унинг қайтишини тезлаштиришмаяпти. Журналист Рохер Торельо берган маълумотга кўра, ўйинчи яқин орадаги «Мальорка» (07.02), Мадриднинг «Атлетико» (12.02) ва «Жирона» (16.02) клубларига қарши учта учрашувни ўтказиб юбориши деярли аниқ. Бироқ унинг 22 февралга белгиланган «Леванте» билан ўйинда таркибга қайтиш эҳтимоли жуда юқори.

Педри Ханс-Дитер Флик жамоаси сафида жорий мавсумдаги 25 та баҳсда иштирок этиб, иккита гол урди ва саккизта голли узатмани амалга оширди.