«Manchester Siti» vingeri Antuan Semenyo jamoa bosh murabbiyi Xosep Gvardiola bilan bo‘lgan ilk suhbati haqida so‘zlab berdi.
"Men «Manchester Siti»ga kelgan paytimda Pep Gvardiolaning menga aytgan birinchi gapi shu bo‘ldi: «Shunchaki o‘z futbolingni o‘ynashda davom et. Erkin o‘yna, o‘zingni ko‘rsat, darvozaga zarba ber, to‘p bilan oldinga intil, senga nima to‘g‘ri bo‘lib tuyulsa, shuni bajar", — deya Semenyoning so‘zlarini keltirmoqda «City Report».
Eslatib o‘tamiz, «Manchester Siti» Semenyoni qishki transfer oynasida «Bornmut»dan 72 million yevro evaziga sotib olgan edi. «Shaharliklar» tarkibida 26 yoshli vinger hozirgacha oltita uchrashuvda maydonga tushib, to‘rtta gol urdi va bitta golli uzatmani amalga oshirdi.
