«Манчестер Сити» вингери Антуан Семеньо жамоа бош мураббийи Хосеп Гвардиола билан бўлган илк суҳбати ҳақида сўзлаб берди.

"Мен «Манчестер Сити»га келган пайтимда Пеп Гвардиоланинг менга айтган биринчи гапи шу бўлди: «Шунчаки ўз футболингни ўйнашда давом эт. Эркин ўйна, ўзингни кўрсат, дарвозага зарба бер, тўп билан олдинга интил, сенга нима тўғри бўлиб туюлса, шуни бажар", — дея Семеньонинг сўзларини келтирмоқда «City Report».

Эслатиб ўтамиз, «Манчестер Сити» Семеньони қишки трансфер ойнасида «Борнмут»дан 72 миллион евро эвазига сотиб олган эди. «Шаҳарликлар» таркибида 26 ёшли вингер ҳозиргача олтита учрашувда майдонга тушиб, тўртта гол урди ва битта голли узатмани амалга оширди.