Angliya Premyer-ligasining 2025/2026 yilgi mavsumi 25-turi doirasida "Vulverxempton" va "Chelsi" jamoalari o‘rtasidagi uchrashuv yakunlandi. Unda "ko‘klar" 3:1 hisobida g‘alaba qozonishdi.
Koul Palmer 13-daqiqada penaltini aniq amalga oshirib, londonliklarni oldinga olib chiqdi. 35-daqiqada Palmer yana bir bor "nuqta"dan unumli foydalandi, 38-daqiqada esa u xet-trigini rasmiylashtirdi. Mezbonlarning yagona javob to‘pini 55-daqiqada Toluvalase Arokodare kiritdi.
Ushbu o‘yindan so‘ng "Vulverxempton" sakkiz ochko bilan Angliya oliy divizioni turnir jadvalining eng quyi pog‘onasini egallab turibdi. "Chelsi" esa 43 ochko bilan beshinchi o‘rinda joylashgan.
Navbatdagi turda "bo‘rilar" 11 fevral kuni safarda "Nottingem Forest" bilan to‘qnashadi, "ko‘klar" esa 10 fevral kuni "Lids Yunayted"ni qabul qiladi.
