"Chelsi"ning hujumkor yarim himoyachisi Koul Palmer o‘zi bilan bog‘liq mish-mishlarga izoh berdi.

Joriy mavsum davomida matbuotda 23 yoshli futbolchining klubni tark etishga tayyorligi haqida xabarlar paydo bo‘ldi.

Angliyalik yulduz Londonda baxtsiz bo‘lib, "Manchester Yunayted"ga o‘tishi mumkinligi taxmin qilinayotgan edi. Shanba kuni Palmer "Vulverxempton Uonderers"ga (3:1) qarshi o‘yinda xet-trik qayd etdi va final hushtagidan keyin intervyu berdi.

"Odamlar bema’ni gaplarni gapirishni yoqtirishadi, shunday emasmi? Men bunga unchalik ahamiyat bermayman.

Men barchasiga xotirjam munosabatda bo‘lishga harakat qilaman", dedi "Chelsi" yetakchisi.