"Челси"нинг ҳужумкор ярим ҳимоячиси Коул Палмер ўзи билан боғлиқ миш-мишларга изоҳ берди.
Жорий мавсум давомида матбуотда 23 ёшли футболчининг клубни тарк этишга тайёрлиги ҳақида хабарлар пайдо бўлди.
Англиялик юлдуз Лондонда бахтсиз бўлиб, "Манчестер Юнайтед"га ўтиши мумкинлиги тахмин қилинаётган эди. Шанба куни Палмер "Вулверхэмптон Уондерерс"га (3:1) қарши ўйинда хет-трик қайд этди ва финал ҳуштагидан кейин интервью берди.
"Одамлар бемаъни гапларни гапиришни ёқтиришади, шундай эмасми? Мен бунга унчалик аҳамият бермайман.
Мен барчасига хотиржам муносабатда бўлишга ҳаракат қиламан", деди "Челси" етакчиси.
