"RB Leypsig" klubi qanot hujumchisi Yan Diomande yozgi transfer oynasida jamoani tark etishi mumkin. Bu haqda insayder Fabrisio Romano xabar bermoqda.

Manbaga ko‘ra, 19 yoshli futbolchini "PSJ", "Bavariya", "Tottenxem" va "Manchester Yunayted" klublari kuzatishda davom etmoqda. Biroq, ta’kidlanishicha, hozirda transfer bo‘yicha hech qanday taklif va muzokaralar yo‘q.

Diomande joriy mavsum barcha musobaqalarda 21ta o‘yinda maydonga tushib, raqiblar darvozasini 8 marta ishg‘ol qildi va 6ta golga assistentlik qildi.

Diomandening "RB Leypsig" bilan amaldagi mehnat shartnomasi 2030 yilgacha mo‘ljallangan. Transfermarkt ekspertlari futbolchining narxini 45 million yevroga baholamoqda.