"РБ Лейпциг" клуби қанот ҳужумчиси Ян Диоманде ёзги трансфер ойнасида жамоани тарк этиши мумкин. Бу ҳақда инсайдер Фабрицио Романо хабар бермоқда.
Манбага кўра, 19 ёшли футболчини "ПСЖ", "Бавария", "Тоттенхэм" ва "Манчестер Юнайтед" клублари кузатишда давом этмоқда. Бироқ, таъкидланишича, ҳозирда трансфер бўйича ҳеч қандай таклиф ва музокаралар йўқ.
Диоманде жорий мавсум барча мусобақаларда 21та ўйинда майдонга тушиб, рақиблар дарвозасини 8 марта ишғол қилди ва 6та голга ассистентлик қилди.
Диоманденинг "РБ Лейпциг" билан амалдаги меҳнат шартномаси 2030 йилгача мўлжалланган. Transfermarkt экспертлари футболчининг нархини 45 миллион еврога баҳоламоқда.













