"Fiorentina" bosh murabbiyi Paolo Vanoli "Torino"ga (2:2) qarshi o‘yindan keyin o‘z fikrlarini bildirib o‘tdi. Jamoa A Seriyaning 24-turida hisobda oldinda borayotgandi, ammo 94-daqiqada gol o‘tkazib yubordi.

"Qanday bo‘lmasin natijaga erishish istagi xavotir uyg‘otishi mumkin. "Torino"da havoda juda kuchli futbolchilar borligini bilardik. Ularga o‘yin oxirida jarima zarbasi berilishiga yo‘l qo‘ymaslik kerak edi.

Men bir xil xatolarni ko‘rayotganimdan g‘azablanaman. Ular qayta-qayta takrorlanaveradi. "Lasio"ga qarshi o‘yin oxirida ochko yo‘qotdik, bugun g‘alabaga haqli edik, ammo bunga erisha olmadik. Biz to‘g‘ri yo‘ldamiz, ammo himoyada o‘yinni yaxshilashimiz kerak", - deya Vanolaning so‘zlarini keltiradi Sky Sport Italia.

Hozirda jamoa quyi ligaga tushib ketish zonasida ketmoqda va 2004 yildan beri birinchi marta B Seriyaga tushib qolishi mumkin.