«Arsenal» yarim himoyachisi Mikel Merino oyoq kaftidagi jiddiy jarohatdan so‘ng jarrohlik amaliyotini o‘tadi. Futbolchi shifoxona palatasida tushgan suratini ijtimoiy tarmoqqa joylashtirdi va unga quyidagi so‘zlarni ilova qildi:
«Operasiya muvaffaqiyatli o‘tdi! Endi safga qaytishga bir qadam yaqinroqman. Xabarlaringiz va qo‘llab-quvvatlaganingiz uchun barchangizga katta rahmat — bu menga ushbu qiyinchilikni yengib o‘tish uchun yanada ko‘proq kuch bag‘ishlaydi», — deyiladi Merinoning bayonotida.
.png?trim=11,0,23,0&quality=75&auto=webp&width=1000)
2025/2026 yilgi mavsumda Mikel Merino 33 ta o‘yinda maydonga tushib, o‘z hisobiga oltita gol va uchta golli uzatmani yozdirib qo‘ygan edi.
Hozirda «Arsenal» Premyer-ligada peshqadamlik qilmoqda va 2004 yildan beri ilk bor Angliya chempioni bo‘lishga umid qilmoqda.
