«Арсенал» ярим ҳимоячиси Микель Мерино оёқ кафтидаги жиддий жароҳатдан сўнг жарроҳлик амалиётини ўтади. Футболчи шифохона палатасида тушган суратини ижтимоий тармоққа жойлаштирди ва унга қуйидаги сўзларни илова қилди:
«Операция муваффақиятли ўтди! Энди сафга қайтишга бир қадам яқинроқман. Хабарларингиз ва қўллаб-қувватлаганингиз учун барчангизга катта раҳмат — бу менга ушбу қийинчиликни енгиб ўтиш учун янада кўпроқ куч бағишлайди», — дейилади Меринонинг баёнотида.
.png?trim=11,0,23,0&quality=75&auto=webp&width=1000)
2025/2026 йилги мавсумда Микель Мерино 33 та ўйинда майдонга тушиб, ўз ҳисобига олтита гол ва учта голли узатмани ёздириб қўйган эди.
Ҳозирда «Арсенал» Премьер-лигада пешқадамлик қилмоқда ва 2004 йилдан бери илк бор Англия чемпиони бўлишга умид қилмоқда.
