«Manchester Siti» hujumchisi Erling Xoland «shaharliklar» Premyer-ligada «Arsenal»ni quvib o‘tishga qodir ekanligiga ishonadi.

25-turda «Liverpul»ni (2:1) mag‘lub etgan «Siti» APL turnir jadvalida 50 ochko bilan ikkinchi o‘rinda bormoqda. «Arsenal» esa 56 ochko jamg‘argan holda 1-o‘rinni egallab turibdi.

«Biz chempionlik poygasi to oxirigacha yetmaguncha tugamasligini avval ham ko‘rganmiz. Shuning uchun hozir men dush qabul qilishim, avtobusga qaytishim, tiklanishim, yaxshilab ovqatlanishim va bor e’tiborimni «Fulxem»ga qaratishim kerak. Zero, oldinda hali o‘yinlar ko‘p», — dedi Xoland «qizillar» bilan bahsdan so‘ng.

«Shaharliklar» 11 fevral kuni Angliya chempionatining 26-turi doirasida «Fulxem»ni qabul qiladi.