Mashhur ingliz sobiq futbolchisi Devid Bekxem «An-Nasr» hujumchisi Krishtianu Ronaldu haqidagi fikrlari bilan o‘rtoqlashdi.

So‘nggi paytlarda matbuotda «Inter Mayami» rahbarlaridan birining Saudiya Arabistonini tark etish haqida o‘ylayotgan portugaliyalik yulduzni o‘z klubiga jalb qilish niyati borligi haqida mish-mishlar tarqalmoqda. Hozircha bu ma’lumotlar o‘z tasdig‘ini topmagan bo‘lsa-da, bu ingliz afsonasining 41 yoshli forvardga bo‘lgan ehtiromiga to‘sqinlik qilmayapti.

«Ronalduning «Real»dagi davri — bu shunchaki aql bovar qilmas hodisa. U o‘zi o‘ynagan har bir jamoada — Portugaliya terma jamoasi, «Manchester Yunayted», «Real», «Yuventus» va «An-Nasr»da katta meros qoldirdi. Ajoyib karyera», — dedi Bekxem Rio Ferdinandning podkastida.

Eslatib o‘tamiz, Krishtianu Ronalduning «An-Nasr» bilan amaldagi shartnomasi 2027 yilgacha mo‘ljallangan.