«Manchester Yunayted»ning sobiq hujumchisi Lui Saa «qizil iblislar»ning «Real» forvardi Vinisius Juniorga bo‘lgan qiziqishi haqidagi mish-mishlarga o‘z munosabatini bildirdi. U braziliyalik futbolchining «MYU»ga o‘tishini inkor etib bo‘lmasligini ta’kidladi.

«Agar Maykl Kerrik bosh murabbiylik lavozimini saqlab qolsa, «Manchester Yunayted» Vinisius Juniorni sotib olishi mumkin. Vinisius — «Oltin to‘p»ga nomzod. Kim biladi deysiz? Bu juda jozibali uyg‘unlik bo‘lishi mumkin: Kerrik qo‘l ostida har hafta juda chiroyli futbol ko‘rsatayotgan jamoa va Vinisiusdek futbolchi uchun yangi chorlov», — deya Saaning so‘zlarini keltirmoqda «AceOdds».

Ma’lumot uchun, Maykl Kerrik ayni damda «Manchester Yunayted»da vaqtinchalik murabbiy bo‘lib ishlayotgan bo‘lsa-da, uning qo‘l ostidagi o‘yin uslubi ko‘plab mutaxassislar tomonidan ijobiy baholanmoqda.

Joriy mavsumda Vinisius Junior «Real» safida barcha musobaqalarda 33 ta o‘yinda maydonga tushib, 8 ta gol urdi va 11 ta golli uzatmani amalga oshirdi.