«Napoli»ning shotlandiyalik yarim himoyachisi Skott Maktominay jarohatiga qaramay, maydonga qaytishga intilmoqda. U jamoa uchun juda muhim futbolchi hisoblanadi — birinchidan, uning maydondagi foydalilik koeffisiyenti yuqori, ikkinchidan, «Napoli» lazareti hozirda boshqa jarohatlangan futbolchilar bilan to‘lib toshgan.
«Corriere della Sera» nashrining xabariga ko‘ra, shotlandiyalik futbolchi «Roma»ga qarshi bo‘lajak muhim bahsda maydonga tushishga qat’iy qaror qilgan. U o‘tgan o‘yinda Antonio Konte tomonidan muddatidan avval almashtirilishiga sabab bo‘lgan yallig‘lanish og‘riqlariga qaramay, mashg‘ulotlarni davom ettirmoqda.
Eslatib o‘tamiz, «Napoli» va «Roma» o‘rtasidagi uchrashuv 15 fevral, yakshanba kuni Italiya A Seriyasining 25-turi doirasida bo‘lib o‘tadi.
