«Feyenoord» bosh murabbiyi Robin van Persi hujumchi Rahim Sterling bilan shartnoma imzolanganidan mamnun ekanligini bildirdi.

"Tabiiyki, bu fantastik transfer. Rahim kabi saviyadagi futbolchini biz bilan shartnoma imzolashga ko‘ndira olganimiz juda ajoyib. Uning futbolchilik tarjimai holi hamma narsani aytib turibdi: u o‘z mahorati bilan o‘yin taqdirini o‘zgartira oladigan futbolchi va men ishonchim komilki, u jamoa uchun qimmatli xarid bo‘ladi, chunki biz mavsumning ikkinchi yarmidagi maqsadlarimizga erishish ustida ishlayapmiz", — deya van Persining so‘zlarini keltirmoqda «Feyenoord» matbuot xizmati.

31 yoshli futbolchi bilan kelishuv 2025/26 yilgi mavsum yakuniga qadar mo‘ljallangan. Ingliz futbolchisi 28 yanvarda «Chelsi» bilan shartnomani bekor qilgan edi. Hujumchi 2022 yildan buyon «ko‘klar» sharafini himoya qilib kelayotgandi.