«Фейеноорд» бош мураббийи Робин ван Перси ҳужумчи Раҳим Стерлинг билан шартнома имзоланганидан мамнун эканлигини билдирди.
"Табиийки, бу фантастик трансфер. Раҳим каби савиядаги футболчини биз билан шартнома имзолашга кўндира олганимиз жуда ажойиб. Унинг футболчилик таржимаи ҳоли ҳамма нарсани айтиб турибди: у ўз маҳорати билан ўйин тақдирини ўзгартира оладиган футболчи ва мен ишончим комилки, у жамоа учун қимматли харид бўлади, чунки биз мавсумнинг иккинчи ярмидаги мақсадларимизга эришиш устида ишлаяпмиз", — дея ван Персининг сўзларини келтирмоқда «Фейеноорд» матбуот хизмати.
31 ёшли футболчи билан келишув 2025/26 йилги мавсум якунига қадар мўлжалланган. Инглиз футболчиси 28 январда «Челси» билан шартномани бекор қилган эди. Ҳужумчи 2022 йилдан буён «кўклар» шарафини ҳимоя қилиб келаётганди.
