Madridning "Real" klubi darvozaboni Tibo Kurtua faoliyatidagi eng yaxshi o‘yin qaysi bo‘lganini aytdi.
Belgiyalik posbon javobi bilan hayron qoldirmadi: u "qaymoqranglilar" 1:0 hisobida g‘alaba qozongan 2022 yilgi Chempionlar Ligasi finalidagi "Liverpul"ga qarshi bahsni tanladi. O‘shanda golkiper "qizillar" futbolchilarining yettita zarbasini qaytarib, uchrashuvning eng yaxshi futbolchisi sovrinini qo‘lga kiritgan edi.
"Butun faoliyatim davomidagi eng sevimli o‘yinim? 2022 yilgi Parijda o‘tgan Chempionlar Ligasi finali", — deya Kurtuaning so‘zlarini keltiradi "Madrid Zone".
Tibo Kurtua 2018 yilning yozidan buyon "Real" sharafini himoya qilib kelmoqda. Bungacha u Londonning "Chelsi", Madridning "Atletiko" va Belgiyaning "Genk" klublarida to‘p tepgan.













