"Liverpul" bosh murabbiyi Arne Slot markaziy himoyachi Ibraima Konate borasidagi savolga javob berdi.

Fransiyalik futbolchi kelayotgan yozda yakuniga yetadigan shartnomasini hali yangilagani yo‘q, biroq klub bilan muzokaralar to‘xtagani yo‘q.

"Biz Konate bilan muzokara olib boryapmiz, bu esa niyatlarimiz jiddiy ekanini ko‘rsatadi. Albatta, biz uning qolishini istardik va muhokamalar davom etmoqda — ko‘ramiz, ular nima bilan yakunlanar ekin. Agar u bilan hamkorlikni davom ettirishni istamaganimizda, muzokaralar olib bormagan bo‘lardik", — deya Slotning so‘zlarini keltiradi "Anfield Sector".

Ibraima Konate 2021 yildan beri "qizillar" sharafini himoya qilib kelmoqda. Joriy mavsumda 26 yoshli futbolchi mersisaydliklar safida barcha musobaqalarda 33 ta o‘yin o‘tkazib, o‘z hisobiga ikkita gol yozdirib qo‘ydi.