"Ливерпуль" бош мураббийи Арне Слот марказий ҳимоячи Ибраима Конате борасидаги саволга жавоб берди.
Франциялик футболчи келаётган ёзда якунига етадиган шартномасини ҳали янгилагани йўқ, бироқ клуб билан музокаралар тўхтагани йўқ.
"Биз Конате билан музокара олиб боряпмиз, бу эса ниятларимиз жиддий эканини кўрсатади. Албатта, биз унинг қолишини истардик ва муҳокамалар давом этмоқда — кўрамиз, улар нима билан якунланар экин. Агар у билан ҳамкорликни давом эттиришни истамаганимизда, музокаралар олиб бормаган бўлардик", — дея Слотнинг сўзларини келтиради "Anfield Sector".
Ибраима Конате 2021 йилдан бери "қизиллар" шарафини ҳимоя қилиб келмоқда. Жорий мавсумда 26 ёшли футболчи мерсисайдликлар сафида барча мусобақаларда 33 та ўйин ўтказиб, ўз ҳисобига иккита гол ёздириб қўйди.
