"Manchester Siti" darvozaboni Jeyms Trafford o‘yin amaliyoti yetishmayotgani haqidagi savolga javob berdi.

"Shaharliklar" o‘z tarbiyalanuvchisini o‘tgan yilning yozida "Byornli"dan qayta sotib olishgan edi. Biroq ko‘p o‘tmay transfer bozorida Janluiji Donnarumma paydo bo‘ldi va "Siti" rahbariyati bu imkoniyatni qo‘ldan chiqarmay, yulduz italiyalikni "PSJ"dan sotib olishga qaror qildi. O‘shandan beri Trafford faqat kubok bahslarida kam sonli imkoniyatlar bilan kifoyalanishga majbur bo‘lmoqda.

"Bu mavsum boshida men kutgan narsa emasdi. Men bunday vaziyatga tushmaslikka harakat qilgandim. Ammo voqelik shunday va men qo‘limdan kelgan barcha ishni qilishim kerak. Shunday vaziyatga tushib qoldim, endi hech narsa qilib bo‘lmaydi", — deya "City Report" 23 yoshli ingliz posbonining so‘zlarini keltirmoqda.

Shanba kuni Jeyms Trafford Angliya Kubogi doirasidagi "Solford Siti"ga qarshi o‘yinda (2:0) "Manchester Siti"ga o‘z darvozasi daxlsizligini saqlab qolishda yordam berdi.