«Nottingem Forest» o‘zining rasmiy saytida jamoa bosh murabbiyi etib Vitor Pereyra tayinlanganini e’lon qildi. 57 yoshli portugaliyalik mutaxassis «o‘rmonchilar» bilan 2027/2028 yilgi mavsum yakunigacha mo‘ljallangan shartnoma imzoladi.
Vitor Pereyra avval ham Angliyada — «Vulverxempton» klubida faoliyat yuritgan. Portugaliyalik murabbiy «bo‘rilar» ustozi lavozimini bir yilga yaqin ishlaganidan so‘ng, o‘tgan yilning noyabr oyida tark etgan edi.
Pereyra Nunu Eshpiritu Santu, Ange Postekoglu va Shon Daychdan keyin «Nottingem Forest»ning joriy mavsumdagi to‘rtinchi murabbiyiga aylandi.
Hozirda «Nottingem Forest» Premyer-liga turnir jadvalida 17-o‘rinni egallab turibdi. «O‘rmonchilar» xavfli hududdan bor-yo‘g‘i uch ochko oldinda, xolos.
