«Ноттингем Форест» ўзининг расмий сайтида жамоа бош мураббийи этиб Витор Перейра тайинланганини эълон қилди. 57 ёшли португалиялик мутахассис «ўрмончилар» билан 2027/2028 йилги мавсум якунигача мўлжалланган шартнома имзолади.
Витор Перейра аввал ҳам Англияда — «Вулверхэмптон» клубида фаолият юритган. Португалиялик мураббий «бўрилар» устози лавозимини бир йилга яқин ишлаганидан сўнг, ўтган йилнинг ноябрь ойида тарк этган эди.
Перейра Нуну Эшпириту Санту, Анге Постекоглу ва Шон Дайчдан кейин «Ноттингем Форест»нинг жорий мавсумдаги тўртинчи мураббийига айланди.
Ҳозирда «Ноттингем Форест» Премьер-лига турнир жадвалида 17-ўринни эгаллаб турибди. «Ўрмончилар» хавфли ҳудуддан бор-йўғи уч очко олдинда, холос.
