Krishtianu Ronaldu «An-Nasr» bilan yarashib oldi va boykotdan so‘ng yana maydonga tusha boshladi. Shunga qaramay, yozda yulduz portugaliyalik baribir klubini o‘zgartirishi mumkin.
The Touchline nashrining xabar berishicha, agent Jorje Mendesh allaqachon Yevropaning top-klublariga qo‘ng‘iroq qilib, ularga yozgi transfer oynasida 41 yoshli Ronaldu bilan shartnoma imzolashni taklif qilmoqda.
Bir necha yil oldin matbuotda Ronaldu «Manchester Yunayted»dan ketganidan keyin kelib chiqqan kelishmovchiliklar sababli Mendesh bilan hamkorlikni to‘xtatgani haqida yozilgan edi. Biroq, nufuzli Transfermarkt portalida Krishtianu hali ham Mendesh agentligining mijozi ekanligi ko‘rsatilgan.
Krishtianu Ronalduning «An-Nasr» bilan amaldagi shartnomasi 2027 yilning o‘rtalarigacha mo‘ljallangan.
