Криштиану Роналду «Ан-Наср» билан ярашиб олди ва бойкотдан сўнг яна майдонга туша бошлади. Шунга қарамай, ёзда юлдуз португалиялик барибир клубини ўзгартириши мумкин.
The Touchline нашрининг хабар беришича, агент Жорже Мендеш аллақачон Европанинг топ-клубларига қўнғироқ қилиб, уларга ёзги трансфер ойнасида 41 ёшли Роналду билан шартнома имзолашни таклиф қилмоқда.
Бир неча йил олдин матбуотда Роналду «Манчестер Юнайтед»дан кетганидан кейин келиб чиққан келишмовчиликлар сабабли Мендеш билан ҳамкорликни тўхтатгани ҳақида ёзилган эди. Бироқ, нуфузли Transfermarkt порталида Криштиану ҳали ҳам Мендеш агентлигининг мижози эканлиги кўрсатилган.
Криштиану Роналдунинг «Ан-Наср» билан амалдаги шартномаси 2027 йилнинг ўрталаригача мўлжалланган.
