Turinning "Yuventus" klubi bosh murabbiyi Luchano Spalletti Chempionlar ligasi pley-off bosqichi doirasidagi "Galatasaroy"ga qarshi ilk o‘yin oldidan o‘z kutilmalari bilan o‘rtoqlashdi.
Jamoalar 1/16 final doirasida 17 fevral kuni Istanbulda to‘qnash kelishadi. O‘yin Toshkent vaqti bilan soat 22:45 da boshlanadi.
"Ushbu o‘yindan umidlarim juda katta. "Yuventus" mas’uliyatni to‘liq o‘z zimmasiga olishi shart. Har qanday shubha yoki ishonchsizlikdan raqiblar sizga qarshi foydalanib qolishadi", — deya mutaxassisning so‘zlarini keltiradi UEFA matbuot xizmati.
Javob uchrashuvi 25 fevral kuni Turinda bo‘lib o‘tadi. Shuningdek, 17 fevral kuni pley-offning yana uchta juftligi maydonga tushadi: "Monako" – "PSJ", "Borussiya" (Dortmund) – "Atalanta" va "Benfika" – "Real".













