Туриннинг "Ювентус" клуби бош мураббийи Лучано Спаллетти Чемпионлар лигаси плей-офф босқичи доирасидаги "Галатасарой"га қарши илк ўйин олдидан ўз кутилмалари билан ўртоқлашди.
Жамоалар 1/16 финал доирасида 17 февраль куни Истанбулда тўқнаш келишади. Ўйин Тошкент вақти билан соат 22:45 да бошланади.
"Ушбу ўйиндан умидларим жуда катта. "Ювентус" масъулиятни тўлиқ ўз зиммасига олиши шарт. Ҳар қандай шубҳа ёки ишончсизликдан рақиблар сизга қарши фойдаланиб қолишади", — дея мутахассиснинг сўзларини келтиради УEФА матбуот хизмати.
Жавоб учрашуви 25 февраль куни Туринда бўлиб ўтади. Шунингдек, 17 февраль куни плей-оффнинг яна учта жуфтлиги майдонга тушади: "Монако" – "ПСЖ", "Боруссия" (Дортмунд) – "Аталанта" ва "Бенфика" – "Реал".
