Diyego Simeone juda uzoq vaqtdan beri «Atletiko» bilan ishlab kelmoqda. Argentinalik mutaxassis Madrid jamoasini 2011 yilning dekabr oyi oxirida qabul qilib olgan edi. Klub rahbariyati Simeonening ishidan to‘liq mamnun va hatto shartnomani uzaytirishga tayyor.
The Touchline nashrining xabariga ko‘ra, agar bahorda «Atletiko» Ispaniya Kubogi yoki boshqa biror sovrinni qo‘lga kiritsa, klub Simeonega rad etib bo‘lmaydigan shartlar asosida yangi taklif bilan chiqadi.
«Atletiko» mutasaddilari Simeone bilan bir yoki ikki yil ichida yana Chempionlar ligasida g‘oliblik uchun da’vogarlik qiladigan jamoa qurish mumkin deb hisoblashmoqda.
Eslatib o‘tamiz, Diyego Simeonening amaldagi shartnomasi 2026/2027 yilgi mavsum yakuniga qadar mo‘ljallangan.
