Angliya Premyer-ligasining 27-turida «Liverpul» safarda «Nottingem Forest» ustidan 1:0 hisobida g‘alaba qozondi. Uchrashuv «Siti Graund» stadionida bo‘lib o‘tdi.
O‘yinning 89-daqiqasida «Liverpul» yarim himoyachisi Aleksis Makallister gol urdi, biroq u to‘p qo‘l bilan o‘ynalgani sababli bekor qilindi. Shunga qaramay, 90+7-daqiqada Makallister yana bir bor raqib darvozasini ishg‘ol qildi va bu safar gol inobatga olindi.
Arne Slot shogirdlari ushbu g‘alabadan so‘ng ochkolari sonini 45 taga yetkazib, APL turnir jadvalida 6-o‘rinda bormoqda.
«Nottingem» esa g‘alabasiz seriyasini to‘rtta o‘yinga yetkazdi (ikki durang va ikki mag‘lubiyat). Ular 27 ochko bilan turnir jadvalining 17-pog‘onasini egallab turibdi.
APL. 27-tur
22.02.2026 | 19:00
«City Ground», Nottingem
«NOTTINGEM FOREST» — «LIVERPUL» — 0:1
Gol: Makallister 90+7’ (0:1).
«Nottingem Forest»: Ortega, Murilyo, Milenkovich, Uilyams, Ayna, Sangare, Anderson (Dominges, 77), Gibbs-Uayt (Makeyti, 90+3), Xadson-Odoi (Ndoy, 66), Xatchinson (Bakva, 66), Igor Jezus (Lukka, 77).
«Liverpul»: Alisson, van Deyk, Konate, Kerkez (Gomes, 83), Soboslai, Makallister, Gravenberx, Jons (Robertson, 83), Gakpo (Kyeza, 77), Salax (Ngumoxa, 77), Ekitike.
Ogohlantirishlar: Gibbs-Uayt (20), Ayna (61).
