«Manchester Yunayted» futbolchisi yo‘l harakati qoidalarini qo‘pol ravishda buzgani uchun haydovchilik guvohnomasidan mahrum bo‘ldi. BBC nashrining xabar berishicha, himoyachi Leni Yoro olti oy muddatga «piyodaga aylandi». Shuningdek, futbolchiga 666 funt sterling miqdorida jarima solindi.
Yoro avtomobilni soatiga 115 kilometr tezlikda boshqarib, belgilangan tezlik me’yorini jiddiy ravishda oshirib yuborgan. Bu voqea sodir bo‘lgan yo‘l qismida ruxsat etilgan tezlikdan deyarli ikki yarim baravar ko‘p demakdir.
2025/2026 yilgi mavsumda Leni Yoro 24 ta o‘yinda ishtirok etdi va o‘z hisobiga bitta golli uzatmani yozdirib qo‘ydi.
Ayni damda «Manchester Yunayted» Premyer-liga turnir jadvalida beshinchi o‘rinda bormoqda.













