«Манчестер Юнайтед» футболчиси йўл ҳаракати қоидаларини қўпол равишда бузгани учун ҳайдовчилик гувоҳномасидан маҳрум бўлди. BBC нашрининг хабар беришича, ҳимоячи Лени Йоро олти ой муддатга «пиёдага айланди». Шунингдек, футболчига 666 фунт стерлинг миқдорида жарима солинди.
Йоро автомобилни соатига 115 километр тезликда бошқариб, белгиланган тезлик меъёрини жиддий равишда ошириб юборган. Бу воқеа содир бўлган йўл қисмида рухсат этилган тезликдан деярли икки ярим баравар кўп демакдир.
2025/2026 йилги мавсумда Лени Йоро 24 та ўйинда иштирок этди ва ўз ҳисобига битта голли узатмани ёздириб қўйди.
Айни дамда «Манчестер Юнайтед» Премьер-лига турнир жадвалида бешинчи ўринда бормоқда.
