«Bayer» bosh murabbiyi Kasper Yulmann 2025/2026 yilgi mavsum UEFA Chempionlar ligasi pley-off bosqichining javob uchrashuvida «Olimpiakos» bilan qayd etilgan durang (0:0) hamda keyingi bosqichdagi ehtimoliy raqiblar haqida gapirdi.

«1/8 finalga chiqqanimizdan juda xursandmiz. Biroq yetarlicha yaxshi o‘yin ko‘rsata olmadik. 25-daqiqadan boshlab «Olimpiakos» hujumda nimadir qila olishini his qildi. Biz bu o‘yinda ko‘p himoyalanishni rejalashtirmagan edik, lekin bunga majbur bo‘ldik va vazifani yaxshi uddaladik. Ehtimol, bizga biroz energiya yetishmagandir, endi uni tiklashimiz kerak. «Bavariya» va «Arsenal» o‘rtasidagi tanlov — shunchaki hayratlanarli, bular Yevropaning eng yaxshi ikki jamoasidir. «Arsenal» hozirgi darajaga chiqishi uchun yillar kerak bo‘ldi, «Bavariya»ni esa bu yerda — Germaniyada tanishtirishga hojat yo‘q. Bizni qiyin vazifa kutmoqda, ammo biz uni hal qilishni istaymiz», — deya Yulmannning so‘zlarini keltiradi UEFA rasmiy sayti.

Ikki o‘yin natijasiga ko‘ra «dorishunoslar» musobaqaning 1/8 finaliga yo‘l olishdi va u yerda «Arsenal» yoki «Bavariya» jamoalaridan biri bilan to‘qnash kelishadi.