Nigeriyalik hujumchi Ademola Lukman Madridning «Atletiko» klubidagi ilk o‘yinlaridayoq o‘zini juda yorqin ko‘rsata oldi. Uning harakatlaridan klub ustozi — mashhur argentinalik mutaxassis Diyego Simeone juda mamnun. U Lukmanni alohida iqtidorga ega futbolchi deb atadi.
«Uning xususiyatlari boshqa o‘yinchilarimiznikidan farq qiladi. Bizda asosan jamoaviy futbolchilar yig‘ilgan bo‘lsa, u individual harakatlar ustasidir. Ammo aynan shu jihat raqiblar uchun kutilmagan tarzda o‘yin ko‘rsatishimizga imkon beradi. Lukman allaqachon jamoa salohiyatiga kuchli impuls olib kirdi», — deya Simeonening so‘zlarini «derbyderbyderby.it» nashri keltirmoqda.
Eslatib o‘tamiz, Lukman bunga qadar bir necha yil davomida Italiyaning «Atalanta» klubi sharafini himoya qilgan edi.
