Angliya futbol assosiasiyasi (FA) "Chelsi" va "Vest Xem" klublarini Premyer-liga o‘yinida (3:2) futbolchilar o‘rtasidagi janjal uchun jazoladi.
Uchrashuvning 96-daqiqasida Adam Traore va Mark Kukurelyaning mojarosidan so‘ng bir guruh futbolchilar o‘rtasida mushtlashuv boshlandi.
"Mustaqil nazorat komissiyasi 2026 yil 31 yanvar, shanba kuni bo‘lib o‘tgan Premyer-liga o‘yinida ommaviy janjal uchun "Chelsi" va "Vest Xem Yunayted" futbol klublarini jarimaga tortdi.
Taxminan 95-daqiqada "Chelsi" jamoa futbolchilari o‘zlarini nomaqbul va yoki provokasion tarzda tutmasligini ta’minlamagani tan olindi. "Vest Xem Yunayted" ham bu vaqtda futbolchilari o‘zlarini noo‘rin va yoki provokasion va yoki tajovuzkor tutmasligini ta’minlamadi.
Keyinchalik ikkala klub ham o‘zlariga qo‘yilgan ayblovlarni tan oldi. Eshituvdan so‘ng, tartibga soluvchi komissiya "Chelsi" va "Vest Xem"ga 325 ming va 300 ming funt jarima belgiladi", - deyiladi FA xabarida.













