Англия футбол ассоциацияси (ФА) "Челси" ва "Вест Хэм" клубларини Премьер-лига ўйинида (3:2) футболчилар ўртасидаги жанжал учун жазолади.
Учрашувнинг 96-дақиқасида Адам Траоре ва Марк Кукурельянинг можаросидан сўнг бир гуруҳ футболчилар ўртасида муштлашув бошланди.
"Мустақил назорат комиссияси 2026 йил 31 январь, шанба куни бўлиб ўтган Премьер-лига ўйинида оммавий жанжал учун "Челси" ва "Вест Хэм Юнайтед" футбол клубларини жаримага тортди.
Тахминан 95-дақиқада "Челси" жамоа футболчилари ўзларини номақбул ва ёки провокацион тарзда тутмаслигини таъминламагани тан олинди. "Вест Хэм Юнайтед" ҳам бу вақтда футболчилари ўзларини ноўрин ва ёки провокацион ва ёки тажовузкор тутмаслигини таъминламади.
Кейинчалик иккала клуб ҳам ўзларига қўйилган айбловларни тан олди. Эшитувдан сўнг, тартибга солувчи комиссия "Челси" ва "Вест Хэм"га 325 минг ва 300 минг фунт жарима белгилади", - дейилади ФА хабарида.
