"Galatasaroy" hujumchisi Viktor Osimxen Chempionlar ligasi pley-off bosqichining saralash raundi doirasida "Yuventus"ga qarshi javob o‘yinida nima uchun golni nishonlamaganini tushuntirib berdi. Nigeriyalik futbolchi 105+1-daqiqada gol urdi va bu gol Turkiya klubini 1/8 finalga olib chiqdi.
"Bu menga kerak emas. Men juda qadrlaydigan va faoliyatimda muhim rol o‘ynagan insonga nisbatan hurmat ko‘rsatishni lozim deb hisoblayman. Albatta, men Spalletti haqida gapiryapman", — dedi Osimxen.
Osimxen "Napoli"da Luchano Spalletti qo‘l ostida o‘ynagan va u yerda Italiya chempioniga aylangan edi.













