Angliya Premyer-ligasining 28-turidan o‘rin olgan Londonning "Fulxem" va "Tottenxem Xotspur" jamoalari o‘rtasidagi o‘yin yakunlandi. Ushbu bahsda mezbonlar 2:1 hisobida g‘alaba qozonishdi. Uchrashuv Londondagi "Kreyven Kottedj" stadionida bo‘lib o‘tdi. O‘yinni bosh hakam Tomas Bramell boshqarib bordi.
Garri Uilson yettinchi daqiqada hisobni ochib, mezbonlarni oldinga olib chiqdi. 34-daqiqada Aleks Ivobi jamoasining ustunligini ikki baravar oshirdi. 66-daqiqada Risharlison "Tottenxem"ning yagona javob to‘pini kiritdi.
Ushbu o‘yindan so‘ng "Fulxem" 40 ochko bilan Angliya yuqori divizioni turnir jadvalida to‘qqizinchi o‘rinda bormoqda, "Tottenxem Xotspur" esa 29 ochko bilan 16-pog‘onani egallab turibdi.
Angliya Premyer-ligasi. 28-tur
01.03.2026 | 19:00
«Kreyven Kottedj», London
«FULXEM» — «TOTTENXEM» — 2:1
Gollar: Uilson 7 (1:0), Ivobi 34 (2:0), Risharlison 66 (2:1).
«Fulxem»: Leno, Sessenyon, Bassi, Diop, Tete, Berge, Ivobi (Kuenka, 90), Bobb (King, 74), Smit-Rou (Kerni, 72), Uilson (Chukvueze, 72), Ximenes (Rodrigu Munis, 73).
«Tottenxem»: Vikario, Grey, van de Ven, Dregushin (Danso, 90), Porro, Simons (Risharlison, 58), Palinya, Bissuma (Souza, 80), Gallaxer (Sarr, 58), Solanke, Kolo Muani (Tel, 58).
Ogohlantirishlar: Diop (61), Bassi (66), Kerni (90) — van de Ven (64), Risharlison (66), Porro (90).
