Bugungi kunda dunyo futbolidagi eng qimmat himoyachi kim ekanligi ma’lum bo‘ldi. Transfermarkt ma’lumotlariga ko‘ra, ro‘yxatda birinchi o‘rinni Londonning «Arsenal» klubida to‘p suradigan fransuz Vilyam Saliba egallab turibdi. Uning bozor qiymati 78 million funtni tashkil etadi.

Ikkinchi pog‘onani Pau Kubarsi («Barselona»), Ashraf Xakimiy («PSJ») va Alessandro Bastoni («Inter») bo‘lishib turibdi — ularning har biri 70 million funtga baholangan. Keyingi o‘rinlardan Nunu Mendesh («PSJ») va Gabriel («Arsenal») joy olgan — ularning narxi 65 million funt.

61 million funtlik qiymat bilan bir qator o‘yinchilar ro‘yxatga kiritilgan: Din Xyoysen («Real»), Vilyam Pacho («PSJ»), Yoshko Gvardiol («Manchester Siti»), Yurryen Timber («Arsenal») va Trent Aleksander-Arnold («Real»).