Kelayotgan yozda «Real Madrid» jamoa markaziy himoya chizig‘ini kuchaytirishi zarurligi allaqachon ayon bo‘lib qolgan. The Touchline nashrining Bild nashriga tayanib xabar berishicha, Madrid klubining markaziy himoyachilar bo‘yicha short-listida endi birinchi o‘rinni Ibraima Konate egallab turibdi.

Manbaning ta’kidlashicha, Konatening o‘zi Angliyani tark etishga tayyor. Uning «Liverpul» bilan amaldagi shartnomasi shu yilning yozida nihoyasiga yetadi, bu esa uni tekinga qo‘lga kiritish imkonini beradi.

25 may kuni Ibraima Konate o‘zining 27 yoshini qarshi oladi. Fransuz himoyachisi «Liverpul» safida jami 169 ta rasmiy uchrashuv o‘tkazib, ularda 7 ta gol va 4 ta golli uzatmani amalga oshirgan.

Ayni damda «Real» La Liga turnir jadvalida ikkinchi o‘rinda bormoqda. Peshqadam «Barselona» madridliklardan to‘rt ochko ko‘p jamg‘argan.