"Barselona" hujumchisi Robert Levandovski klub ichidagi muhit haqida o‘z fikrlari bilan o‘rtoqlashdi.
Polyak futbolchisi 2022 yilning yozidan buyon "ko‘k-anorranglilar" sharafini himoya qilib kelmoqda.
"Bu yillar davomida klubni qayta tiklash va rivojlantirish bo‘yicha parda ortida qanday ulkan ishlar olib borilayotganini tushunib yetdim. Ijobiy muhit, ambisiyalar, kelajakdagi rejalar, yangi "Kamp Nou" loyihasi – bularning barchasi shu yerda bo‘lgan har bir insonni motivasiya qiladi. Eng muhimi – barqarorlikni saqlash, jarayonga ishonish va "Barselona" o‘zligini hurmat qilishdir", – deya Levandovskining so‘zlarini keltiradi Managing Barca.
37 yoshli hujumchining kataloniyaliklar bilan shartnomasi joriy mavsum yakunida nihoyasiga yetadi.
