«Arsenal»ning mashhur sobiq hujumchisi Ian Rayt «Tottenxem»ning Angliya Premyer-ligasidan chiqib ketishini istamasligini tan oldi.
«Shporlar» o‘z maydonlarida «Kristal Pelas»ga imkoniyatni boy berib (1:3), Chempionshipga tushib ketish hududiga xavfli darajada yaqinlashib qolishdi.
«Ko‘pchilik «Tottenxem» tushib ketadi, deb aytmoqda. Bunday ehtimol haqiqatan ham bor, lekin men buni xohlamagan bo‘lardim. Men hech qachon «Tottenxem»ga nisbatan nafrat tuymaganman. Yoshligimda Glenn Xoddl «shporlar» safida o‘ynaganida, doim uni qo‘llab-quvvatlardim. Klubga bo‘lgan munosabatim faqat «Arsenal»ga kelganimdan keyin o‘zgargan, lekin hozir hech qanday nafrat yo‘q. Umid qilamanki, «Tottenxem» ligadan chiqib ketmaydi», — deya ingliz OAVlari Raytning so‘zlarini keltirmoqda.
Igor Tudor jamoasini xavfli hududdan atigi bir ochko ajratib turibdi. Oldinda yana to‘qqizta tur bor.
