Londonning «Arsenal» klubi yarim himoyachisi Deklan Rays jamoa sha’niga aytilayotgan tanqidlar borasida o‘z fikrini bildirdi.

Joriy mavsumda «kanonirlar» haddan tashqari pragmatik va tomoshabop bo‘lmagan o‘yin uslubi uchun tez-tez tanqid qilinmoqda. Yaqinda «Brayton» murabbiyi Fabian Xyurseler ham bu borada o‘z fikrlarini ochiq-oydin bayon etgan edi.

«Bunday shov-shuvlar har hafta ko‘tariladi — men «Arsenal»ga kelgan ilk kunlarimdanoq shunday bo‘lib kelgan. Bunday maqomdagi klubda o‘ynar ekansan, bundan qochib bo‘lmaydi. Chiroyli g‘alaba qozonasanmi yoki yo‘q — buning ahamiyati yo‘q, eng muhimi — g‘alabaga erishish. Biz nimaga intilayotganimizni yaxshi bilamiz», — deya ingliz OAVlari Raysning so‘zlarini keltirmoqda.

Shanba kuni Mikel Arteta shogirdlari Angliya kubogi doirasida «Mansfild Taun»ga qarshi maydonga tushishadi.