Madridning «Real» klubi markaziy himoyachisi Antonio Ryudiger mavsum yakunlanganidan keyin jamoani erkin agent sifatida tark etishi mumkin.

33 yoshli futbolchining amaldagi shartnomasi iyun oyi oxirida nihoyasiga yetadi va hozircha tomonlar kelishuvni uzaytirishga yaqin emaslar. Jurnalist Mikele de Blazisning xabar berishicha, «Yuventus» tajribali germaniyalik markaziy himoyachi atrofidagi vaziyatni kuzatishda davom etmoqda. Agar futbolchi «qaymoqranglilar» bilan kelisha olmasa, «keksa sinyora»dan rasmiy taklif olishi to‘laqonli ehtimoldan xoli emas.

Joriy mavsumda Antonio Ryudiger «Real»ning barcha turnirlardagi 14 ta o‘yinida ishtirok etdi. Himoyachi Madrid grandi safiga 2022 yilda Londonning «Chelsi» klubidan kelib qo‘shilgan edi.