Мадриднинг «Реал» клуби марказий ҳимоячиси Антонио Рюдигер мавсум якунланганидан кейин жамоани эркин агент сифатида тарк этиши мумкин.

33 ёшли футболчининг амалдаги шартномаси июнь ойи охирида ниҳоясига етади ва ҳозирча томонлар келишувни узайтиришга яқин эмаслар. Журналист Микеле де Блазиснинг хабар беришича, «Ювентус» тажрибали германиялик марказий ҳимоячи атрофидаги вазиятни кузатишда давом этмоқда. Агар футболчи «қаймоқранглилар» билан келиша олмаса, «кекса синьора»дан расмий таклиф олиши тўлақонли эҳтимолдан холи эмас.

Жорий мавсумда Антонио Рюдигер «Реал»нинг барча турнирлардаги 14 та ўйинида иштирок этди. Ҳимоячи Мадрид гранди сафига 2022 йилда Лондоннинг «Челси» клубидан келиб қўшилган эди.