"Barselona" yozgi transfer oynasida himoyachilaridan birini sotishga tayyor. Jurnalist Matteo Moretto Radio Marcaga bergan intervyusida ma’lum qilishicha, "ko‘k-anorranglilar" Alexandro Balde bo‘yicha tushadigan takliflarni ko‘rib chiqishlari mumkin.
"Bu xuddi "Real"dagi Kamavinga bilan bog‘liq vaziyatga o‘xshaydi. Agar yaxshi taklif tushsa, Balde jamoani tark etishi mumkin", — dedi Moretto.
Qayd etish joizki, nufuzli Transfermarkt portali mutaxassislari 22 yoshli Alexandro Baldeni 60 million yevroga baholamoqda. Futbolchining "Barselona" bilan amaldagi shartnomasi 2028 yilning o‘rtalarigacha mo‘ljallangan.
"Barselona" o‘zining navbatdagi o‘yinini 15 mart kuni o‘z maydonida "Sevilya"ga qarshi o‘tkazadi.
