«Borussiya» Bundesliga turnir jadvalida «Bavariya» bilan o‘rtadagi farqni qisqartirdi.

Germaniya chempionatining 26-turida Dortmund klubi «Augsburg»ni mag‘lub etdi (2:0), Myunxen jamoasi esa «Bayer» bilan durang o‘ynadi (1:1).

Mavsum yakunlanishiga 8 ta tur qolganda «Bavariya» 67 ochko bilan turnirda peshqadamlikni saqlab turibdi. «Borussiya» 58 ochko bilan ikkinchi, «Xoffenxaym» esa 50 ochko bilan uchinchi o‘rinda bormoqda.

To‘rtinchi o‘rinni 47 ochko jamg‘argan «Shtutgart» egallab turibdi. Ularda zaxirada bitta o‘yin mavjud.