«Боруссия» Бундеслига турнир жадвалида «Бавария» билан ўртадаги фарқни қисқартирди.
Германия чемпионатининг 26-турида Дортмунд клуби «Аугсбург»ни мағлуб этди (2:0), Мюнхен жамоаси эса «Байер» билан дуранг ўйнади (1:1).
Мавсум якунланишига 8 та тур қолганда «Бавария» 67 очко билан турнирда пешқадамликни сақлаб турибди. «Боруссия» 58 очко билан иккинчи, «Хоффенхайм» эса 50 очко билан учинчи ўринда бормоқда.
Тўртинчи ўринни 47 очко жамғарган «Штутгарт» эгаллаб турибди. Уларда захирада битта ўйин мавжуд.
