Eronning Meksikadagi elchisi Abofazl Pasandide Yaqin Sharqdagi mojarolar fonida JCH-2026 o‘yinlarining AQSHda o‘tkazilishi bilan bog‘liq vaziyat haqida gapirdi.
Avvalroq Eron futbol federasiyasi o‘z mamlakati terma jamoasining JCH-2026 doirasidagi o‘yinlarini AQSHdan Meksikaga ko‘chirish bo‘yicha muzokaralar olib borayotgani ma’lum bo‘lgan edi.
"Futbol dunyoda sodir bo‘lgan ko‘plab mojarolar paytida tinchlikka erishish uchun xizmat qilgan. Shuningdek, boshqa davlatga hujum qilgan mamlakatlar FIFA tomonidan qoralangan va ularga Jahon chempionatida ishtirok etishga ruxsat berilmagan holatlar ham bo‘lgan. Ammo, afsuski, ular [FIFA] Amerika Qo‘shma Shtatlaridan qo‘rqqanlari uchun, hatto bu [agressiya] harakatini qoralamadilar ham.
Biz futbol birinchi navbatda tinchlik va do‘stlikka xizmat qilishini ta’kidladik. Bizning nuqtai nazarimizda, futbol — millatimizning qonuniy huquqidir", — dedi Pasandide Canal Once telekanalining Los Periodistas ko‘rsatuvi efirida.
JCH-2026 musobaqasi AQSH, Kanada va Meksikada 11 iyundan 19 iyulgacha bo‘lib o‘tadi.
