O‘zbekiston superkubogi uchrashuvidan keyin "Neftchi" PFK darvozabonlar murabbiyi Vitaliy Galat jamoaning g‘alabasi, o‘yinga tayyorgarlik va muxlislar haqida fikrlari bilan o‘rtoqlashdi.

— Avvalo, Superkubokdagi g‘alaba bilan tabriklaymiz. Bu sovrin sizda qanday his-tuyg‘ularni uyg‘otdi?
— Tabrik uchun rahmat. Barchani ushbu g‘alaba bilan muborakbod etaman. Superkubok juda ahamiyatli sovrin. Shuning uchun g‘alabadan keyin katta quvonch va g‘urur tuyg‘ularini his qildim.

— Shogirdlaringizni bu muhim o‘yinga qanday ruhlantirdingiz?
— Taҗribali futbolchilarni ruhlantirish uchun ko‘p gap shart emas, deb o‘ylayman. Ularga asosan ishonch bilan harakat qilish kerakligini eslatdim.

— Kubok o‘yini oldidan xavotirlar bo‘lganmi?
— Rostini aytsam, penaltilar masalasida ma’lum xavotir bor edi. Chunki Paxtakorga qarshi o‘yin oldidan kimlar va qanday zarba berishini o‘rgangan edik.

— Ushbu bahsda eng yaxshi o‘yinchilarni ayta olasizmi?
— Butun jamoa a’lo darajada o‘ynadi. Lekin ayrim xavfli vaziyatlarda Botirali Ergashev darvozamizni saqlab qoldi.

— Andijon stadionidagi muhit haqida fikringiz va muxlislarga tilaklaringiz?
— Muxlislarimizga cheksiz minnatdorchilik bildiraman. Ular o‘yin oldidan ham, keyin ham ajoyib bayramona muhit yaratishdi. Barchaga sog‘lik-salomatlik tilayman va jamoamizga doimiy ishonch bildirishlarini so‘rayman.

«Neftchi» PFK matbuot xizmati